सानेने कसा रचला हत्येचा कट?; पोलिसांना मिळाली प्रश्नांची उत्तरं

ठाणे: ठाण्याच्या जवळील मिरा रोड हत्याकांडप्रकरणी पोलीस तपासात दररोज नवनवीन धक्कादायक गोष्टी समोर येत आहेत. आरोपीच्या मोबाईलवरून पोलिसांना अनेक महत्त्वाच्या गोष्टी सापडल्या आहेत. पोलीस सूत्रांनी दिलेल्या माहितीनुसार, आरोपी मनोज सानेने ओटीटीवर वेब सीरिज पाहिल्यानंतर त्याची लिव्ह-इन पार्टनर सरस्वतीची हत्या करण्याचा कट रचला होता. सूत्रांनी दिलेल्या माहितीनुसार, मनोज सानेवर श्रद्धा खून प्रकरणाचा प्रभाव होता. मात्र, सरस्वतीची हत्या करण्यापूर्वी त्याने एक वेब सिरीज देखील पाहिली होती आणि त्या आधारे त्याने हत्येचा हा प्लान बनवला होता. एवढेच नाही तर हत्येनंतर मृतदेह कसा विघटित करायचा याबाबतही त्याने अनेकवेळा गुगलवर सर्च केले होते. पोलिस सूत्रांनी दिलेल्या माहितीनुसार, पोलिसांनी आरोपींचा शोध घेतला असता त्यांना ही महत्त्वाची माहिती मिळाली. आरोपी मनोज साने याने सरस्वतीची हत्या केल्यानंतर मृतदेहाचा फोटोही काढला होता. पोलिसांना आरोपीच्या मोबाईलमध्ये हा फोटो सापडला. या फोटोमध्ये पोलिसांना सरस्वतीच्या शरीरावर अनेक ठिकाणी प्राणघातक हल्ल्याच्या खुणा आढळल्या आहेत. पोलिस सूत्रांनी दिलेल्या माहितीनुसार, ४ जून रोजी सरस्वतीच्या मृतदेहाचे फोटो काढल्यानंतर आरोपीने ५ जून रोजी कटर मशीनने त्याचे वेगवेगळे तुकडे केले होते. त्यांनी तीन बादल्यांमध्ये ठेवल्या होत्या. पोलिस सूत्रांनी दिलेल्या माहितीनुसार, आरोपीने चौकशीदरम्यान सांगितले की, सरस्वतीच्या आठवणी जपण्यासाठी त्याने मृतदेहाचे फोटो काढले होते. जेव्हा कधी तिची आठवण यायची तेव्हा तो फोटो बघायचा. पोलिस सूत्रांनी दिलेल्या माहितीनुसार, सरस्वतीच्या बहिणींनी तिला एकदा मनोजपासून वेगळे होण्यास आणि लग्न न करण्याचं समजावून सांगितलं होते. परंतु तिने काहीही ऐकलं नाही. पोलिस सूत्रांनी दिलेल्या माहितीनुसार, सरस्वतीच्या शरीराचा १० टक्के भाग गायब आहे. मात्र, ते भाग कोणते, हे फॉरेन्सिक अहवाल आल्यानंतरच स्पष्ट होणार आहे. मिरारोडच्या गीतानगर येथील गीता आकाशदीप या इमारतीमध्ये तेव्हा एकच गोंधळ माजला जेव्हा पोलिसांना या इमारतीच्या फ्लॅट क्रमांक ७०४ मधून पिशव्यांमधून सरस्वती वैद्य या महिलेच्या मृतदेहाचे तुकडे पिशवीतून बाहेर काढले. घरात जे काही दृश्य पाहिलं त्यानंतर कदाचित पोलिसांनाही झोप लागली नसेल. त्या इमारतीत राहणारे आणि मनोज साने यांच्या शेजाऱ्यांची परिस्थितीही काही वेगळी नाही. ही घटना समोर आल्यानंतर या इमारतीत राहणारे रहिवाशी हादरले आहेत. या सगळ्या प्रकारानंतर शनिवारी रहिवाशांनी संपूर्ण इमारत धुऊन काढली.