अभिमान दावणीवर — श्रीलंका आणि बांगलादेश आमनेसामने

श्रीलंका आणि बांगलादेश या दोन आशियाई संघांमध्ये आयसीसी महिला विश्वचषकात पहिल्यांदाच सामना रंगणार आहे. एकदिवसीय क्रिकेटमध्ये दोन्ही संघ क्वचितच एकमेकांसमोर आले असल्याने हा सामना अनेक आश्चर्यांनी भरलेला ठरण्याची चिन्हे आहेत. मात्र एक गोष्ट नक्की — या सामन्यात फिरकीचा दबदबा पाहायला मिळणार आहे. दोन्ही संघांनी संपूर्ण स्पर्धेत आपल्या फिरकी गोलंदाजांवर मोठ्या प्रमाणात अवलंबून राहिले असून “स्पिन टू विन” हेच त्यांचे पुन्हा एकदा मंत्र ठरण्याची शक्यता आहे. गुणतालिकेकडे पाहता, दोन्ही संघ खालच्या अर्ध्यात आहेत. बांगलादेशने पाकिस्तानविरुद्ध एकमेव विजय मिळवला आहे, तर सहआयोजक असलेल्या श्रीलंकेचा अद्याप विजयाचा आकडा शून्य आहे. आता या स्पर्धेत जास्त वेळ शिल्लक नाही आणि उपांत्य फेरीच्या आशा या दोन्ही संघांसाठी दुर्मिळ होत चला आहेत . या स्पर्धेपूर्वी दोन्ही संघांच्या कर्णधारांकडून मोठ्या अपेक्षा होत्या - श्रीलंकेची चमारी अटापट्टू, जी तिच्या तिसऱ्या विश्वचषकात खेळत आहे, आणि बांगलादेशची निगर सुलताना जोती, जिचा हा दुसरा विश्वचषक आहे. मात्र दोघींच्याच कामगिरीत सातत्य दिसले नाही आणि म्हणूनच त्यांचा संघ संघर्ष करत राहिला. श्रीलंका आणि बांगलादेश यांच्या खेळीच्या दर्जात (पाकिस्तान वगळता) इतर संघांच्या तुलनेत, अंतर अद्याप स्पष्ट दिसते. या स्पर्धेत बांगलादेशने जरी इंग्लंड आणि दक्षिण आफ्रिका या दोन संघांना अडचणीत आणले असले तरी दबावाच्या क्षणी त्यांची पकड सैल झाली. श्रीलंकेने न्यूझीलंडविरुद्ध 258 धावा करून ऐतिहासिक विजयाच्या उंबरठ्यावर पोहोचले होते, मात्र पावसाने त्यांचा विजय हिसकावून घेतला. आता फक्त दोन साखळी सामने बाकी आहेत, आणि दोन्ही संघांसाठी अभिमान व संस्मरणीय समाप्ती हेच प्रेरणास्थान ठरणार आहे. श्रीलंका आणि बांगलादेशसाठी हा सामना फक्त गुणांसाठी नसून, अभिमानसाठी खेळण्याचा आहे. आमने-सामने एकूण: श्रीलंका - 2, बांगलादेश - 0 आयसीसी क्रमवारीत: श्रीलंका - 6, बांगलादेश - 7 सामन्याची थोडक्यात माहिती तारीख: 20 ऑक्टोबर 2025 वेळ: दुपारी 3 वाजता ठिकाण: डॉ. डी व्हाय पाटील स्पोर्ट्स अकॅडेमी, नवी मुंबई थेट प्रसारण: स्टार स्पोर्ट्स नेटवर्क, जिओ हॉटस्टार