जैस्वालचे द्विशतक आणि बुमराहच्या सहा विकेट्समुळे भारताने घेतली इंग्लंडविरुद्ध आघाडी

विशाखापट्टणममधील डॉ. वाय.एस. राजशेखर रेड्डी ACA-VDCA क्रिकेट स्टेडियमवर खेळलेल्या भारत विरुद्ध इंग्लंड यांच्यातील दुसऱ्या कसोटी सामन्यात, शनिवारी, दुसऱ्या दिवसअखेर भारताने 171 धावांची दमदार आघाडी घेतली. भारताने सहा गडी बाद 336 धावांनी दिवसाची कार्यवाही सुरू करून, सर्वबाद होण्यापूर्वी आणखी 60 धावा जोडल्या आणि एकूण 396 धावा केल्या. पहिल्या दिवसअखेर 179 धावांवर नाबाद असलेल्या यशस्वी जैस्वालने कसोटी क्रिकेटमध्ये आपले पहिले द्विशतक पूर्ण केले. मुंबईच्या या फलंदाजाने 290 चेंडूंत 19 चौकार आणि सात षटकारांसह 209 धावा झळकावल्या. इंग्लंडच्या वेगवान गोलंदाज जेम्स अँडरसनने (3/47) अखेर डावाच्या 107 व्या षटकात जैस्वालला बाद केले. खेळण्यासाठी भरपूर धावा असताना, भारतीय गोलंदाजांनी निर्धास्त गोलंदाजी केली. जसप्रीत बुमराह, ज्याला 150 कसोटी बळी पूर्ण करण्यासाठी 10 विकेट्सची आवश्यकता आहे, तो भारतासाठी सर्वोत्कृस्ट गोलंदाज ठरला. त्याने 15.5 षटकात 45 धावा देऊन सहा विकेट्स पटकावल्या. बुमराहला कुलदीप यादव (3/71) आणि अक्षर पटेल (1/24) यांची चांगली साथ मिळाल्याने या त्रिकुटाने इंग्लंडला 55.5 षटकांत 253 धावांत गुंडाळले. इंग्लंडचा सलामीचा फलंदाज झॅक क्रॉली (76) हा त्याच्या संघातील एकमेव फलंदाज होता ज्याने अर्धशतक पूर्ण केले. कर्णधार बेन स्टोक्स (47) सर्वाधिक धावा करणाऱ्यांपैकी दुसऱ्या क्रमांकावर होता. 143 धावांची आघाडी घेऊन भारताची सलामी जोडी अर्थातच कर्णधार रोहित शर्मा (नाबाद 13) आणि जैस्वाल (नाबाद 15), ज्याने या दिवसात दुसऱ्यांदा फलंदाजी केली, यांनी मिळून दिवसाच्या शेवटच्या पाच षटकांत 28 धावा लुटल्या. पाहुण्यांनी वापरलेल्या तीन गोलंदाजांपैकी (अँडरसन आणि फिरकी गोलंदाज शोएब बशीर आणि रेहान अहमद), भारतीय फलंदाजांनी नवोदित बशीरविरुद्ध विशेष पसंती दाखवली कारण त्यांनी त्याच्या दोन षटकांत 17 धावा ठोकून आक्रमक खेळी केली.