पाकिस्तानला नमवून वर्चस्व कायम ठेवण्याचा ऑस्ट्रेलियाचा निर्धार

आयसीसी महिला क्रिकेट विश्वचषकाच्या 13व्या आवृत्तीतील नववा सामना गतविजेता ऑस्ट्रेलिया आणि पाकिस्तान यांच्यात कोलंबोमधील आर. प्रेमदासा स्टेडियमवर खेळवला जाणार आहे. या दोन्ही संघांची सुरुवात या मोहिमेत विरोधाभासी झाली आहे. ऑस्ट्रेलियाने त्यांच्या पहिल्या सामन्यात न्यूझीलंडचा 89 धावांनी पराभव केला, तर पाकिस्तानला त्यांच्या पहिल्या सामन्यात बांगलादेशविरुद्ध सात गडी राखून पराभव स्विकारावा लागला. ऑस्ट्रेलियाचा दुसरा सामना कोलंबो येथे श्रीलंकेविरुद्ध पावसामुळे रद्द झाला, आणि त्याच मैदानावर पाकिस्तानने भारताविरुद्ध दुसरा सामना खेळला, ज्यात त्यांना 88 धावांनी पराभवाचा सामना करावा लागला.   आमने-सामने ऑस्ट्रेलिया आणि पाकिस्तान यांच्यात एकूण 16 एकदिवसीय सामने झाले आहेत, आणि ऑस्ट्रेलियाने पाकिस्तानविरुद्ध एकही सामना गमावलेला नाही. विश्वचषक स्पर्धांमध्ये ऑस्ट्रेलियाचा पाकिस्तानविरुद्ध 5-0 असा एकतर्फी विक्रम आहे.   संघ ऑस्ट्रेलिया: अ‍ॅलिसा हिली (कर्णधार), डार्सी ब्राउन, ऍश्ले गार्डनर, किम गार्थ, हेदर ग्रॅहम, अ‍ॅलाना किंग, फिबी लिचफिल्ड, ताहलिया मॅक्ग्रा, सोफी मोलिन्यु, बेथ मुनी, एलिस पेरी, मेगन शुट, अ‍ॅनाबेल सदरलँड, जॉर्जिया व्हॉल, जॉर्जिया वेअरहॅम पाकिस्तान: फातिमा सना (कर्णधार), मुनीबा अली सिद्दीकी (उपकर्णधार, यष्टीरक्षक), आलिया रियाज, डायना बैग, ऐमन फातिमा, नाश्रा संधू, नतालिया परवेज, ओमैमा सोहेल, रमीण शमीम, सादफ शामास, सादिया इक्बाल, शवाल झुल्फिकार, सिद्रा अमीन, सिद्रा नवाझ, सयदा अरुब शाह   कोणत्या खेळाडूंवर लक्ष असेल ऍश्ले गार्डनर: ऑस्ट्रेलियाची अष्टपैलू खेळाडू, जिने न्यूझीलंडविरुद्ध शानदार शतक झळकावले. तिच्या फलंदाजीने डगमगणाऱ्या संघाला सावरले आणि 326 धावांचा भक्कम डोंगर उभारला. शिवाय, गोलंदाजीतही ती नेहमीच उपयुक्त ठरते. अ‍ॅनाबेल सुदरलँड: ऑस्ट्रेलियाची आणखी एक अष्टपैलू खेळाडू जिने न्यूझीलंडविरुद्ध प्रभाव टाकला. उजव्या हाताच्या मध्यमगती गोलंदाजीनं नऊ षटकांत फक्त 26 धावा देत तीन विकेट्स पटकावल्या. तिने एक निर्धाव षटकदेखील फेकले. मधल्या फळीत तिचे फलंदाजीतील योगदानही महत्त्वाचे असेल. फातिमा सना: पाकिस्तानची कर्णधार संघाची प्रमुख गोलंदाज आहे. या विश्वचषकातील दोन सामन्यांमध्ये तिने तीन विकेट्स मिळवले आहेत. शिवाय, खालच्या फळीत ती उत्तम फलंदाजी करण्याची क्षमता ठेवते. सिदरा अमीन: पाकिस्तान संघातील ही सर्वात अनुभवी खेळाडू, जिने मागील सामन्यात भारताविरुद्ध 81 धावांची शानदार खेळी केली. उजव्या हाताची टॉप ऑर्डर फलंदाज म्हणून ती पाकिस्तानच्या फलंदाजीत मुख्य भूमिका बजावेल.   सामन्याची थोडक्यात माहिती तारीख: 8 ऑक्टोबर, 2025 वेळ: दुपारी 3:00 वाजता स्थळ: आर. प्रेमदासा स्टेडियम, कोलंबो थेट प्रक्षेपण: स्टार स्पोर्ट्स नेटवर्क, जिओहॉटस्टार