जिल्हा
स्टेमचा कर्मचारी जखमी
ठाणे : स्टेम प्राधिकरणाच्या जलवाहिनीच्या देखभाल दुरुस्तीचे काम शुक्रवार २६ मे रोजी सकाळी ९ ते शनिवार २७ मे रोजी सकाळी ९ वाजेपर्यंत सुरू असताना शहाड स्टेम कंपनीचे कर्मचारी अर्जुन आवळे (53) ह्यांना विजेचा धक्का बसल्याची घटना घडली.
स्टेम कंपनीने जलवाहिनीची देखभाल दुरुस्तीच्या कामांसाठी २४ तासांचा शट डाऊन घेतला होता. स्टेम प्राधिकरणाच्या जल वाहिनीची देखभाल, दुरुस्तीचे काम शहाड येथे सुरू असताना स्टेम कंपनीचे अर्जुन आवळे या कर्मचार्याला इलेक्ट्रिकल शॉक लागून तो जमिनीवर कोसळला . मात्र इतर कर्मचाऱ्यांनी तातडीने त्यांना बाजूला करून रुग्णालयात दाखल केले. या घटनेत आवळे हे ५० टक्के भाजले असून त्यांच्यावर कल्याण येथे खाजगी रुग्णालयात उपचार सुरु आहेत. आवळे यांची प्रकृती अद्याप स्थिर नसल्याचे सूत्रांकडून सांगण्यात आले.
ADVERTISEMENT 300×250
ADVERTISEMENT 300x600