वर्षभरानंतर WPL मुंबईत परतले; थेट फायनलचे तिकीट मिळवण्याकरिता MI आणि GG यांच्यात लढत

सोमवारी मुंबईत होणाऱ्या वूमन्स प्रीमियर लीग २०२५ च्या शेवटच्या टप्प्यात नंबर दोनचा संघ गुजरात जायंट्स आणि नंबर तीनचा संघ मुंबई इंडियन्स यांच्यात लढत होणार आहे. दोन्ही संघ प्ले-ऑफसाठी पात्र ठरले असले तरी, त्यांच्यासाठी हा सामना महत्वाचा आहे कारण जो संघ जिंकले त्याची सरळ फायनल खेळण्याची शक्यता वाढेल. गुणतालिकेत अव्वल स्थान मिळवणारा संघ थेट अंतिम फेरीत प्रवेश करेल, तर दुसऱ्या आणि तिसऱ्या क्रमांकाच्या संघाला एलिमिनेटरमध्ये सामना करावा लागेल. गुजरात जायंट्स हंगामातील त्यांचा शेवटचा साखळी सामना खेळतील, तर मुंबई इंडियन्सना यानंतर आणखी एक सामना खेळायचा आहे. येथे विजय मिळवल्यास गुजरात जायंट्सची गुणतालिकेत अव्वल स्थान मिळवण्याची शक्यता बळकट होईल. दुसरीकडे, मुंबई इंडियन्सकडे पहिला  पटकावण्यासाठी एकूण दोन संधी आहेत.   आमने सामने मुंबई इंडियन्स आणि गुजरात जायंट्स पाच वेळा आमनेसामने आले आहेत आणि सर्व वेळा मुंबई इंडियन्सने विजय मिळवला आहे.   संघ मुंबई इंडियन्स: अमनजोत कौर, अमिलिया कर, क्लोई ट्रायॉन, हरमनप्रीत कौर (कर्णधार), हेली मॅथ्यूज, जिंतिमनी कलिता, नॅट सिव्हर-ब्रंट, सायका इशाक, यास्तिका भाटिया (यष्टीरक्षक), शबनीम इस्माईल, एस सजना, अमनदीप कौर, कीर्थना बालक्रिष्णन, जी कमलिनी (यष्टीरक्षक), संस्क्रीती गुप्ता, अक्षिता माहेश्वरी, नदिन डी क्लर्क गुजरात जायंट्स: ॲश्ले गार्डनर (कर्णधार), बेथ मुनी (यष्टीरक्षक), दयालन हेमलथा, हरलीन देओल, लॉरा वूल्फार्ट, शबनम शकील, तनुजा कंवर, फिबी लिचफिल्ड, मेघना सिंग, काशवी गौतम, प्रिया मिश्रा, मन्नत कश्यप, सायली सातघरे, सिमरन शेख, डिआंड्रा डॉटीन, प्रकाशिका नाईक, डॅनिअल गिब्सन   कुठल्या खेळाडूंवर लक्ष ठेवायचे नॅट सिव्हर-ब्रंट: ती मुंबई इंडियन्सची मिस डिपेंडेबल आहे. सहा सामन्यांमध्ये ३०९ धावा करून ही इंग्लिश अष्टपैलू खेळाडू WPL २०२५ मध्ये सर्वाधिक धावा करणाऱ्या खेळाडूंपैकी दुसऱ्या क्रमांकावर आहे. तसेच तिने सहा डावांमध्ये आठ विकेट्स घेतल्या आहेत, ज्यामुळे तिची खऱ्या अर्थाने एक मॅचविनर म्हणून ख्याती आहे.  अमिलिया कर: न्यूझीलंडची ही चमकदार खेळाडू WPL च्या या हंगामात मुंबई इंडियन्ससाठी सर्वाधिक विकेट्स घेणारी गोलंदाज आहे. तिने सहा सामन्यांत १० बळी घेतले आहेत. अचंबित करणारे गुगलीसुद्धा टाकू शकणारी ही लेग स्पिनर आहे. WPL २०२५ ची सर्वाधिक विकेट्स घेणारी गोलंदाज होण्यापासून फक्त एक विकेट दूर आहे. जरी तिला बॅटने जास्त काही करावे लागले नसले तरी, ती फलंदाजी विभागात उपयुक्त ठरू शकते. ती सहसा मधल्या फलित फलंदाजी करते परंतु मागील सामन्यात ती सलामीवीर म्हणून आली होती. ॲश्ले गार्डनर: WPL च्या पहिल्या दोन हंगामात विस्मरणीय कामगिरीनंतर, गुजरात जायंट्सच्या नवीन कर्णधाराने या स्पर्धेच्या तिसऱ्या आवृत्तीत पहिल्यांदाच तिच्या संघाला प्ले-ऑफ्समध्ये नेले आहे. या ऑस्ट्रेलियन खेळाडूने फलंदाजीत आणि गोलंदाजीत प्रभावित केले आहे. सात सामन्यांमध्ये २३५ धावा करून ती या WPL मध्ये तिच्या संघाची सर्वाधिक धावा करणारी खेळाडू आहे. तसेच ऑफ स्पिन गोलंदाजी करत तिने सात सामन्यांत सात बळीही घेतले आहेत. संघाच्या चार विजयांमध्ये तिने दोनदा  पटकावला आहे. हरलीन देओल: गुजरात जायंट्सच्या या वरच्या फळीतील फलंदाजाने मागील सामन्यात दिल्ली कॅपिटल्सविरुद्ध शानदार खेळ केला. १७८ धावांचा पाठलाग करताना तिने केवळ ४९ चेंडूत नऊ चौकार आणि एका षटकारासह नाबाद ७० धावा केल्या. तिसऱ्या षटकात फलंदाजी करण्यासाठी आलेल्या या भारतीय उजव्या हाताच्या फलंदाजाने आपल्या संघाला विजय मिळवून दिला.   सामन्याची थोडक्यात माहिती तारीख: मार्च १०, २०२५ वेळ: संध्याकाळी ७:३० वाजता ठिकाण: ब्रेबॉर्न स्टेडियम, मुंबई प्रक्षेपण: जिओहॉटस्टार, स्टार स्पोर्ट्स नेटवर्क